Parseli draenog y môr gyda pesto
Cewch agor eich parseli wrth y bwrdd! Pryd syml, blasus a dim gwaith golchi llestri!
Digon i: 2 Paratoi: 10 munud Coginio: 25 munud
Cynhwysion
1 draenog y môr (sea bass) mawr neu 2 fach, wedi tynnu’r tu mewn, eu glanhau a thynnu’r cen
1 lemon mawr, wedi’i sleisio
4 llond llwy fwrdd pesto ffres
Joch o win gwyn
Halen Môr Halen Môn
Pupur du
Dull
Cynheswch y ffwrn i 200ºC/400ºF/Marc Nwy 6.
Torrwch riciau yng nghroen y draenog y môr â chyllell finiog a’i roi ar ddalen ddwbl o bapur pobi.
Stwiffiwch y canol â’r sleisys lemon a thaenu’r pesto dros y croen. Codwch ochrau’r papur pobi ac ychwanegu joch o win gwyn.
Rhowch y pysgodyn ar dun pobi a chau’r parsel yn sownd. Pobwch am ryw 25 munud.
Gweinwch gyda salad ffenigl a thomatos.